Xəzər dənizində Həştərxan yaxınlığında iki kiçik Rusiya gəmisi toqquşub.

Nəticədə bir nəfər ölüb, həmçinin xəsarət alanlar var.

Bu barədə Rusiya Fövqəladə Hallar Nazirliyinin region üzrə Baş İdarəsi məlumat verib.

“Oktyabrın 7-də saat 17:20-də Baş idarənin operativ növbətçiliyinə İkryaninski rayonunda iki kiçikhəcmli gəminin toqquşması barədə məlumat daxil olub. Toqquşma nəticəsində xəsarət alanlar var”, - məlumatda qeyd edilib.

Nazirlikdən verilən dəqiqləşdirilmiş məlumata görə, bir nəfər ölüb.

“Şturmanlardan biri olan 2000-ci il təvəllüdlü kişini xilas etmək mümkün olmayıb, təcili yardım gələnə qədər həyatını itirib. İkinci gəminin şturmanı xəsarət almayıb”, - deyə nazirlikdən bildirilib.

Mənbə: TASS