Çempionlar Liqasının qrup mərhələsində baş tutacaq "Napoli" - "Feyenoord" qarşılaşması ərəfəsində xoşagəlməz hadisələr yaşanıb.

Ovqat.com goal.az-a istinadən xəbər verir ki, Neapolda 3 holland azarkeş həbs olunub. Daha öncə şəhər prefekturası "Feyenoord" azarkeşlərinə stadiona giriş qadağası qoymuşdu. Bunun səbəbi onların 2015-ci ildə Avroliqada keçirilən "Roma" - "Feyenoord" matçından sonra paytaxtda iğtişaş yaratmasıdır. Buna baxmayaraq 3 azarkeş özündə  İtaliyaya getmək cəsarəti tapıb və dərhal da saxlanılıb.