Tayland Kuboku oyunlarında "Bangkok İdman Klubu" və "Satri Anqthonq" futbol komandaları arasında qeyri-adi bir vəziyyət meydana gəlib.

Ovqat.com xəbər verir ki, 2:2 hesabı ilə başa çatan oyunda futbol tarixində bir ilk yaşanıb.

Tərəflərin bərabərə qalması vəziyyətində komandalar penalti seriyasına keçib. “Banqkok” klubunun futbolçusu penalti zərbəsini vurub və top dirəyə dəyərək geri qayıdıb. Rəqib qapıçı zərbənin boşa getməsinə sevinib və komanda yoldaşlarının yanına qaçıb. Lakin top havada bir neçə dəfə çilənib və yenidən qapıya tərəf qayıdıb.

Qapıçının bu diqqətsizliyi komandaya ölümcül zərbə vurub. Kubokun final oyununda “Banqkok” məhz bu penalın sayəsində qalib gəlib.\\Publika.az