"Deloitte" beynəlxalq auditor şirkətinin qlobal serverinə haker hücumu müştərilərlə işə təsir etməyib.

Ovqat.com bildirir ki, bu barədə Trend-ə şirkətin Rusiyadakı ofisindən məlumat verilib.

MDB üzrə nümayəndəliklərin də işinə nəzarət edən ofisdən bildirilib ki, Azərbaycanda da sistemin işinə təsir olmayıb.

Qeyd edək ki, "Deloitte" auditor şirkətinin serverləri haker hücumunun qurbanı olmuşdu. Hakerlərin şirkət əməkdaşlarının yazışmalarını, eləcə də bəzi müştərilərin şəxsi məlumatlarını ələ keçirə biləcəyi məlumat verilmişdi.