ABŞ prezident Co Bayden iki çətin seçim arasında qalıb: həm artan istehlak qiymətlərini ram etməli, həm də Ukraynanı işğal etdiyinə görə Moskvanı cəzalandırmaq məqsədilə Rusiya neftinin idxalına qadağa qoymalıdır.

Ovqat.com-un məlumatına görə, ABŞ-ın məşhur «The Wall Street Journal» nəşri bu qənaətdədir.

Nəşr xəbər verir ki, ABŞ administrasiyası bazar günü  müttəfiqləri ilə Rusiyaya tətbiq olunan sanksiyalarla bağlı «fəal müzakirələr apardığını» bildirib. Bu danışıqlar Bayden administrasiyasının artan tələb, təchizat zəncirindəki məhdudiyyətlər və işçi çatışmazlığı səbəbindən son 40 ilin ən yüksək səviyyəsinə çatan inflyasiya səviyyələri ilə bağlı aylardır üzləşdiyi tənqidlər fonunda aparılır. «Lakin bahalaşan enerji xərcləri də neft, qaz və digər əmtəə qiymətlərinin son illərdə ən yüksək səviyyələrə qalxması ilə bərabər istehlak səbəbinin bahalaşmasına ən böyük töhfə verən amillərdəndir», - deyə nəşr bildirir.