İnvestorların makroiqtisadi narahatlıqları fonunda dünya bazarında neftin qiyməti 2 %-dən çox azalıb.

“Report” birjalara istinadən xəbər verir ki, Şimal dənizində hasil olunan “Brent” neftinin oktyabr fyuçersləri 2,10 % ucuzlaşaraq 1 bareli 94,56 ABŞ dollarına satılıb. WTI neftinin sentyabr fyuçerslərinin qiyməti isə 2,09 % aşağı düşərək 1 bareli 88,61 ABŞ dolları təşkil edib.

Bir çox analitiklər ABŞ-da monetar siyasətin sərtləşdirilməsinin ölkədə iqtisadi artımı ləngidəcəyindən narahatdır. Bu isə qlobal miqyasda makroiqtisadi göstəricilərə, o cümlədən xammala olan tələbə mənfi təsir göstərəcək.