Dünya bazarında neftin qiymətinin ucuzlaşması prosesi davam edir.

Ovqat.com-un bildirdiyinə görə, iş həftəsinin ilk gününü 70.12 $-la tamamlayan Brent markalı neftin qiyməti bu gün yenidən aşağı düşüb. Bu saatlara qədər qeydə alınan ucuzlaşma kifayət qədər yüksəkdir – 2.3%.

Bir barreli 68,52 $-a qədər enən Brent markalı neftin günün sonunadək daha da ucuzlaşacağı gözlənilir.

ABŞ-ın diktə etdiyi Teksas birjasında qiymətlərin ucuzlaşması daha sürətlə gedir. 2.5% ucuzlaşan WTI markalı xam neft hazırda hər barreli 58.41 $-dan alıcı gözləyir.

Qeyd edək ki, Azərbaycanın 2019-cu il dövlət büdcəsində neftin baza qiyməti 60 $-dan götürülüb. Gələn il başlamamışdan qiymətlər proqnozlaşdırılan həddə yaxınlaşır.