Londonda bu gecə yerli saatla 22.00-da növbəti terror hadisəsi baş verib.

Ovqat.com xəbər verir ki, terrorçuların London körpüsü yaxınında həyata keçirdikləri hücum nəticəsində, ilkin məlumata əsasən, 6 nəfər ölüb.

İngiltərə polisinin açıqlamasına görə, terrorçular əvvəl London körpüsü üzərində mikroavtobusla gedib-gələnləri əzib, daha sonra körpünün cənub ucunda olan Borough bazarına yönəlib, burada maşından çıxaraq ətrafda olanları bıçaqlayıblar.

Polisin müdaxiləsi nəticəsində terrorçuların 3-ü də vurularaq zərərsiz hala gətirilib.

Hücumda ölənlərdən başqa, 20 nəfərin də yaralandığı xəbər verilir.

London körpüsü şəhərdə turistlərin ən çox diqqətini cəlb edən məkandır.