Xəbər lenti

 

“Əminəm ki, hakimiyyətdən qovulanlar bu dəqiqə başlanmış dəyişiklikləri dayandırmaq üçün bütün yollara əl atacaqlar, narazı insanları öz məqsədləri naminə istifadə edib, ətraflarında birləşdirib bu prosesin dayandırılması üçün ölkədə qarşıdurma yaratmağa çalışacaqlar”.

Ovqat.com xəbər verir ki, hüquqşünas Aslan İsmayılov bir müddət əvvəl paylaşdığı facebook statusunda belə yazıb.

 

Ona görə də hər kəsi keçmişdə olanları kənara qoyub hakimiyyətin atdığı istənilən müsbət addımları dəstəkləməyə çalışan hüquqşünas bununla baş verən proseslərin daha da dərinləşməsinə və sürətlənməsinə nail olmağın mümkünlüyünə inanır.

Aslan İsmayılovun önəmli mesajlar içərən statusunu təqdim edirik:

  

"Ağstafanın icra başçısı Nizaməddin Quliyev və müavinlərinin ardınca, Yevlağın keçmiş icra başçısı Qoca Səmədovun həbsi də az öncə rəsmi təsdiqləndi.

 

Hakimiyyətin son bir ili atdığı müsbət addımları dəstəklədiyimə görə məni topa tutanlara bir daha deyirəm ki, ölkədə olan qanunsuzluqları çoxlarından yaxşı bilirəm və uzun illərdir bu barədə yeri gəlsə hamıdan çox yazıram. Onu da bilirəm ki, uzun illərdir oturuşmuş sistemi qısa zamanda dəyişmək mümkün deyil, buna vaxt və ilk növbədə ictimai dəstək lazımdır. Bilmək lazımdır ki, bu gün vəzifədən kənarlaşdırılanlar 10 illər ərzində özləri, qohum-əqrəbaları külli miqdarda pul toplayıb real gücə çevriliblər. Əminəm ki, bunlar bu dəqiqə başlanmış dəyişiklikləri dayandırmaq üçün bütün yollara əl atacaqlar, narazı insanları öz məqsədləri naminə istifadə edib, ətraflarında birləşdirib bu prosesin dayandırılması üçün ölkədə qarşıdurma yaratmağa çalışacaqlar. Ona görə də bu gün keçmişdə olanları kənara qoyub hakimiyyətin atdığı istənilən müsbət addımları dəstəkləməklə baş verən proseslərin daha da dərinləşməsinə və sürətlənməsinə sövq etməklə nail ola bilərik.

 

2005-ci ildə olduğu kimi bu gün hakimiyyətdən uzaqlaşdırılmış, həbs olunmuşları müdafiə etmək, onlardan siyasi məhbus düzəltmək baş verən proseslərin dayandırılmasına xidmət etməkdir. Dəfələrlə təkrarladığım Rusiya islahatçısı Stolıpinin bolşeviklərə ünvanlanmış sözlərini bir daha təkrar edirəm. O vaxt başladılan proseslərin həyata keçirilməsinə mane olmaq istəyən, nəyin bahasına olursa olsun ölkədə hərc-mərclik yaratmaq istəyən bolşeviklərə "Sizə böyük təlatümlər, mənə isə böyük Rusiya lazımdır!" demişdi. İndi məni topa tutanlara deyirəm, Sizə böyük təlatümlər, mənə isə güclü, inkişaf etmiş Azərbaycan lazımdır.

 

P.S. Əminəm ki, ictimai dəstək olsa bu həbslərin ardı olacaq".




Ana səhifəyə qayıt        Baxış: 468          Tarix: 20-12-2019, 01:43      

Xəbəri paylaş


Paylaş:   

Prizma