Azərbaycan Respublikasında kpronavirus (COVİD-19) infeksiyasına yoluxmuş iki şəxs vəfat edib.
Ovqat.com xəbər verir ki, məlumatı Operativ Qərargah yayıb.
Məlumata görə, ölənlərdən biri 1931-ci il təvəllüdlü  şəkərli diabet xəstəsi imiş, 1956-cı il təvəllüdlü digər vətəndaşın anamnezində isə ürəyin işemik xəstəliyi, arterial hipertenziya və şəkərli diabet xəstəliyi olduğu qeyd edilmişdir.
Onlardan COVID-19 üçün götürülən analiz nümunələri müsbət çıxmışdır.
Xəstələrin səhhətinin stabilləşdirilməsi ilə bağlı aparılan reanimasiya tədbirləri nəticə verməmişdir. Hazırda onların ailə üzvləri və ünsiyyətdə olduğu digər şəxslər müəyyən edilir və karantinə götürülür.