Mərkəzi Bankın İdarə Heyətinin 28 aprel 2020-ci il tarixli qərarına əsasən lisenzasiyası ləğv edilən “Amrah Bank” ASC-nin işçiləri etiraz aksiyası keçiriblər.
 
Ovqat.com-un məlumatına görə, bu gün baş tutan aksiyada “bankir”lər iki tələb irəli sürüblər:
* Maaşlarımız verilsin
* Mərkəzi Bankın lisenziyamızı ləğv etdiyi qərarın özü ləğv olunsun.


 
Bank işçiləri Azərbaycanın müstəqillik tarixi qədər yaşı olan bir müəssisənin bağlanmasını heç cür anlaya bilmirlər. Onların fikrincə, Milli Bank digər həmkarlarını ayaqda tutmaq üçün külli miqdarda vəsait ayırdığı halda “Əmrahbank” diqqətdən kənarda qalıb. İddialarda o da vurğulanıb ki, bank kimlərinsə sifarişi ilə bağlanıb. Amma şikayətçilər sifarişçinin kimliyini açıqlamaqdan ehtiyat ediblər.
 
Bank işçiləri lisenziyalarının ləğvi barədə qərarın söykəndiyi arqumenti də  əsaslı saymırlar. Dediklərinə görə, həmin qərar verilərkən əmanətçilərin depozitlərinin qaytarılmaması bəhanə gətirilib. Halbuki “Əmrahbank”ın elə bir problemi yox imiş. İndisə məlum qərarla faktiki əmanətçilərin narazı salınıb bankın üzərinə yönləndirildildikləri iddia olunur. 
 
“Bankir”lərin etiraz aksiyasından çəkilmiş video-görüntüləri təqdim edirik.