Xəbər lenti
 
 
Nikol Paşinyanın Ermənistanın Ədliyyə nazirinin müavini Vahe Danielyanı istefaya göndərməsinin “səbəbi” məlum olub.
 
Ovqat.com-un erməni mənbələrinə istinadən verdiyi məlumata görə, Danielyan “könüllü cəbhəyə” getmək istədiyi üçün Paşinyan onun “arzusunu gözündə qoymayıb”.
 
Ekspertlər isə bunun bir bəhanə olduğunu, Danielyanın daha ağır cəzaya layiq görülməsi üçün “könüllü” cəbhəyə göndərildiyinə inanırlar. Bir növ, sovet ordusundakı cəza batalyonunun nümayəndəsi kimi.
 
Danielyanın hansı “günahın” sahibi olduğu isə bilinmir. Böyük ehtimalla, o, müharibənin Ermənistan üçün artıq bitdiyini və müqavimət göstərməyin anlamsız olduğunu düşündüyü üçün bu cəzaya layiq görülüb. Paşinyan isə dünənki xalq müraciət nitqində müharibədən qaçmaq istəyənlərin və bunu təbliğ edənlərin ağır cəzalandırılacağını vurğulamışdı. Görünür, Danielyan da bu “yekəbaşlılığının” qurbanı olub.
 
“Yekəbaşlılığına” baxmayaraq, Danielyan səngər yoldaşları və komandirləri arasında ən çox məvacib alan əsgər olacaq. Çünki onun əsgərlik dövründə də nazir müavini məvacibi kəsilməyəcək.


Ana səhifəyə qayıt        Baxış: 5 458          Tarix: 28-10-2020, 15:04      


Paylaş: