ABŞ-ın Yaxın Şərqdəki bütün hərbi baza və səfirliklərinə həyəcan siqnalı verilib.
 
Ovqat.com xarici media orqanlarına istinadən xəbər verir ki, hazırda ABŞ-ın onlarla qırıcı təyyarəsi İraq və Qətər səmalarında uçuşur.
 
Onları havada yanacaqla təchiz etmək üçün ən azı 10 tanker təyyarəsinin də səmada olduğu bildirilir.


 
ABŞ ordusunu bu cür qorxuya salan isə İraq qəzetlərindən birinin yaydığı xəbərdir. Böyük ehtimalla, İraq təhlükəsizlik və hərbi dairələrindən mediaya sızdırıldığı iddia olunan sənədlərə görə, İran SEPAH-ı bu il yanvarın 3-də Bağdadda öldürülən general Qasım Süleymaninin qisasını almağa hazırlaşır. Qisasın yanvarın 3-də alınacağı iddia olunsa da, zamanın daha əvvələ çəkilə biləcəyi də istisna deyil.


 
İddia olunur ki, guya İraqdakı İrana bağlı silahlı qüvvələr ABŞ-a qarşı ümumi səfərbərlik edib.  
 
Bir çox mütəxəssislər isə “Süleymaninin qisası” məsələsinin bəhanə olduğu, ABŞ-ın İrana hücum üçün bu cür ssenari hazırladığı qənaətindədirlər. Onların fikrincə, hər an İrana hərbi müdaxilə baş verə bilər.