Qondarma “DQR”-nın ərazi və infrastruktur naziri Hayk Xanumyanın Zabuh kəndində və Laçın rayonunda qeyri-qanuni məskunlaşan erməni sakinlərinə avqustun 25-nə qədər evlərini tərk etmələri üçün vaxt verib.

Ovqat.com xəbər verir ki, bunu Zabuh kənd muxtarı Andranik Çauşyan avqustun 5-də Ermənistanın NEWS.am saytına müsahibəsində deyib.

“Hayk Xanumyan bizə evakuasiya proqramını təqdim etdi və kimin hara gedəcəyini söylədi. Amma heç kim ayrılmaq istəmir. Sakinlərə silah verilsə, biz qalıb döyüşəcəyik”, - Çauşyan bildirib.