Kiyevin təkidli tələblərinə baxmayaraq, ABŞ Krımdakı hədəflərə mümkün zərbələr endirilməsi ilə bağlı fikir ayrılıqlarına görə təxminən 300 km mənzilli ATACMS raketlərini Ukraynaya ötürməkdən imtina edir.

Ovqat.com-un məlumatına görə, ABŞ-ın ünlü «The Wall Street Journal» (WSJ) nəşri bunu bildirib.

Amerikalı rəsmilərə və konqresmenlərə istinad edən qəzet yazır ki, ABŞ-ın bu raketləri tədarük etmək istəməməsi Rusiya ilə daha geniş münaqişə riski ilə bağlıdır. Nəşrin fikrincə, bu məlumatlar ciddi risklərə  getmədən Ukraynanı necə dəstəkləmək barədə dərin mübahisəni əks etdirir.