“Donald Trampın keçmiş təhlükəsizlik müşaviri Maykl Flinnin prokurorluğa ABŞ prezidenti əleyhinə məlumat verdiyi ilə bağlı xəbər həqiqəti əks etdirmir”.

Ovqat.com xəbər verir ki, xəbəri yayan ABC telekanalı bu təkzibi verib.

Telekanal dəqiqləşdirilməmiş xəbəri yazan jurnalistini də cəzalandırıb – bir ay işindən uzaqlaşdırmaqla.

ABC rəhbərliyi bəyan edib ki, Flinnin etirafına görə, Tramp öz müşavirinə rus yetkililəri ilə görüşmək tapşırığını seçki kampaniyası dövründə yox, prezident kimi fəaliyyətə başladıqdan sonra verib. Tapşırıqda rus rəsmiləriylə Suriya məsələsinin müzakirəsi nəzərdə tutulurmuş.

Tramp telekanala səhvini düzəltdiyi üçün təşəkkür edib və digər media qurumlarını bundan nəticə çıxarmağa çağırıb.