Xəbər lenti

 Mayın 16-da axşam saatlarından başlayaraq gecə ərzində Ermənistan silahlı qüvvələrinin bölmələri cəbhə xəttinin Ağdam istiqamətində Azərbaycan Ordusunun mövqelərini və müdafiəsinin dərinliyindəki yaşayış məntəqələrini müxtəlif çaplı minaatanlardan intensiv atəşə tutub. Bu barədə Azərbaycan Müdafiə Nazirliyinin mətbuat xidməti məlumat yayıb.

“Eyni zamanda düşmən tərəfindən tətbiq edilən döyüş pilotsuz uçuş aparatlarının keyfiyyəti aşağı olduğundan onların istifadəsi nəticəsində heç bir zərər dəyməyib”, məlumatda qeyd edilir.

Mətbuat xidməti bildirir ki, dərhal görülmüş cavab tədbirləri nəticəsində qarşı tərəf susdurulub, Silahlı Qüvvələrin döyüş texnikasına ziyan dəyməyib və şəxsi heyət arasında itki yoxdur.

Atılan mərmilər əsasən boş əkin sahələri və yaşayış məntəqələrinə yaxın ərazilərə düşüb.

Müdafiə Nazirliyi bildirir ki, əməliyyat şəraiti Azərbaycan Silahlı Qüvvələrinin tam nəzarəti altındadır.

Ağdam rayon İcra Hakimiyyətinin başçısı Raqub Məmmədov isə yerli mediaya deyib ki, erməni tərəfinin minatanlardan atdığı mərmilər rayonun Aşağı Qərvənd, Əhmədağalı və Təzəkənd kəndlərinin əkin sahələrinə düşüb.

Hadisə nəticəsində ev və obyektlərə ziyan dəyməsə də, kəndlərə gedən elektrik xətti sıradan çıxıb.

Öz növbəsində, Ermənistan mediası rəsmi mənbələrə istinadən ermənilərin mövqelərinin müxtəlif çaplı minaatanlardan atəşə tutulduğunu bildirib.

Rəsmi mənbələr itkilər və dəymiş ziyanla bağlı məlumat verməyib.




Ana səhifəyə qayıt        Baxış: 1 172          Tarix: 17-05-2017, 13:03      

Xəbəri paylaş


Paylaş:   

Prizma