2015-ci ilin oktyabr-noyabr aylarında Nardaran hadisələri ilə bağlı saxlanılan “Müsəlman Birliyi Hərəkatı” adlı təşkilatın üzvü Zülfüqar Mikayılov, Elman Ağayev, Faiq Allahverdiyev, Əli Hüseynov, Mehman Quliyev, Mehman Məmmədov, Eldar Bünyadov, Elxan Həsənov, Ramil Seyfullayev, Mübariz İbrahimov, Ruzi İsmayılov və Cabir Əliyevin cinayət işi üzrə məhkəmə prosesi keçirilib.

Publika.az xəbər verir ki, bu gün Bakı Ağır Cinayətlər Məhkəməsində hakim Zeynal Ağayevin sədrliyi ilə baş tutan prosesdə təqsirləndirilən Eldar Bünyadov və Elxan Həsənovun vəkilləri müdafiə çıxışı ediblər. Hər iki vəkil müvəkkillərinin günahsız olduqlarını və onların barəsində bəraət hökmünün çıxarılmasını istəyib. Növbəti proses oktyabrın 16-da davam edəcək.

Qeyd edək ki, prokuror Zülfüqar Mikayılovun 18 il, Elman Ağayevin 15 il, Faiq Allahverdiyevin 15 il, Əli Hüseynovun 14 il, Mehman Quliyevin 15 il, Mehman Məmmədovun 14 il, Eldar Bünyadovun 14 il, Elxan Həsənovun 14 il, Ramil Seyfullayevin 15 il, Mübariz İbrahimovun 15 il, Ruzi İsmayılovun 16 il və Cabir Əliyevin 15 il müddətinə azadlıqdan məhrum edilməsini təklif edib.