Bu gün Ağstafada tikiş fabrikində baş verən yanğın hadisəsi ilə əlaqədar mediada yayılan informasiyalara aydınlıq gətirilib.

“Akkord tekstil” fabrikinin direktoru İsmayıl Bayramov Metbuat.az-a açıqlamasında bildirib ki, hadisə ilə bağlı mediada yanlış informasiyalar yayılıb:

“Fabrikdə hazırda iş prosesi davam edir. Hər şey öz qaydasındadır. Sadəcə fabrikin qazanxana otağındakı kondisionerdə olan qısaqapanma nəticəsində 10 m2 lambir hissədə yanğın baş verib. O da dərhal söndürülüb. Hadisənin fabriklə əlaqəsi yoxdur. Burada hər hansı yanğın və xəsarətdən söhbət gedə bilməz”.