Qardaş tatar xalqının yaşayan ən böyük ziyalılarından biri – Tatarıstanın Xalq şairi, Dövlət Mükafatı laureatı, uzun illər Tatarıstan Dövlət Şurasının deputatı, Komitə sədri və Rəyasət heyətinin üzvü olmuş Razil Vəliyev Azərbaycan Ordusunun sentyabrın 27-dən başlayan yeni xilaskarlıq hərəkatı ilə bağlı ürək sözlərini Azərbaycanlı dostları ilə bölüşüb. Görkəmli Xalq şairinin ürək sözlərini oxucularla paylaşırıq:

Son aylarda Qarabağdakı qanlı hadisələri narahatlıqla izləyirik. Azərbaycan xalqı bizim qardaş,  xalqımızdır, bizi doğma qanımız birləşdirir. Bizi Sizin uğurlarınıza və qələbələrinizə sevinirik, Siz kədərlənəndə Sizinlə birgə qayğılanırıq.

Azərbaycan bu gün dövlətinin suverenliyi, Vətəninin bölünməz torpaqları uğrunda ədalətli mübarizə aparır. Ədalət qalib gəlməlidir!

Biz bütöv Vətən üçün həlak olan qəhrəmanların ruhu qarşısında baş əyir və onların yaxınlarına, dostlarına başsağlığı veririk.

Zəngin tarixə və yüksək mədəniyyətə sahib olan azərbaycanlılara
dərin hörmətlə, Tatarıstanın Xalq şairi
Razil VƏLİYEV