Ermənistan hökumətinin binasını ələ keçirməyə cəhd edən beş nəfər saxlanılıb.
Virtualaz.org yerli KİV-ə istinadən bildirir ki, bu barədə Ermənistan İstintaq Komitəsinin mətbuat xidməti məlumat yayıb.

Qeyd olunur ki, 28 yanvarda, saat 17 radələrində mitinq zamanı bir qrup şəxs icra orqanının binasını ələ keçirməyə çalışıb. Faktla əlaqədar olaraq İstintaq Komitəsində cinayət işi açılıb. İlkin istintaq davam edir.

Xatırladaq ki, dünən Ermənistanın “Respublika” meydanında baş nazir Nikol Paşinyanın istefası tələbilə mitinq keçirilib. Etirazçılar hökumət binasına soxulmağa çalışsalar da, buna nail olmayıblar. Polis binanın bütün girişlərini bağlayıb.