Ermənistanı “Türk bordo bərəlisi” vahiməsi bürüyüb.
 
Ovqat.com-un məlumatına görə, Ermənistanda 13 Türk xüsusi təyinatlısının Ermənistan və Gürcüstan sərhədlərini gizlicə keçərək ölkədə təxribatlar törədəcəyi barədə şayiələr yayılıb.
 
Guya, Türk  bordo bərəliləri Ermənistan Silahlı Qüvvələri Baş Qərargahının rəisi Onik Qasparyanın və digər əsas generalların məhvi prosesində yaxından iştirak edəcəklər.
 
Şayiələr bəzi erməni mətbuat orqanlarında da yayılıb. Bu, ermənilərin vahiməsini daha çox artırıb. İş o yerə çatıb ki, Ermənistan Milli Təhlükəsizlik Xidməti əhalini sakitləşdirmək üçün rəsmi bəyanat yayıb. Bəyanatda deyilir:
 
"Türkiyə Respublikası Silahlı Qüvvələrinin xüsusi qrupunun nümayəndələrinin Ermənistana daxil olması barədə yayılan məlumatlar həqiqətə uyğun deyil. Əhalini yanlış məlumatlara inanmamağa və sayıqlıq göstərməyə, həmçinin təsdiqlənməmiş məlumatların yayılmasından çəkinməyə çağırırıq”.
 
Məğlubiyyət duyğusunun 200 illik xəyanət və suçluluq psixologiyası ilə qarışması deyəsən Ermənistanda böyük kabusa çevrilib. Bu vahimənin getdikcə artması ölkənin aktiv kəsiminin xaricə qaçmasını daha da tətikləyə biləcəyindən ehtiyat edilir.