Paşinyanın bu gün İrəvanda çoxminli mitinq keçirərək öz qüvvəsini nümayiş etdirməsi işə yaramayıb.
 
Ovqat.com erməni mediasına istinadən xəbər verir ki, Ermənistan Silahlı Qüvvələrinin Baş Qərargahı mitinqdən dərhal sonra Paşinyanı yenidən, artıq 3-cü dəfə istefaya çağırıb.
 
“Ermənistan Silahlı Qüvvələri Baş Qərargahının Paşinyan və hökumətin istefası tələbi ilə bağlı əvvəllər bildirdiyi mövqeyini təsdiqləyir. 
Baş Qərargah orduya və fərdi hərbçilərə qarşı əsassız ittihamlar səsləndirməməyə çağırır. 
Mövcud vəziyyət Silahlı Qüvvələrin Konstitusiyaya və qanunun aliliyinə uyğun olaraq yalnız dövlət maraqlarını rəhbər tutduğunu və yalnız xalqa xidmət etdiyini göstərir”-bəyanatda belə deyilir.