Xəbər lenti
 
 
İraqda Amerikalı hərbçilərin yerləşdiyi Ayn əl-Əsəd hərbi  aviabazası hücuma məruz qalıb.
 
Ovqat.com-un məlumatına görə, yerli vaxtla saat 7.20-də baş verən hücum zamanı aviabazaya 10 Qrad raketi atılıb.
 
Hərbi bazada müqavilə ilə çalışan bir nəfərin həyatını itirdiyi bildirilir.
 
İraq və ABŞ təhlükəsizlik qüvvələri hücumda əsasən İrandan şübhələnirlər. Onların fikrincə, raket zərbələri bir həftə qabaq Suriyadakı İrana bağlı qüvvələrin yerləşdiyi “İmam Əli” hərbi bazasına edilən hücuma verilən cavabdır. Fevralın 26-da ABŞ təyyarələrinin Suriyadakı bazaya hücumu Cozef Baydenin ilk hərbi əməliyyatı kimi qiymətləndirilir.
 
Qeyd edək ki, son zamanlar ABŞ-ın İtaqdakı hərbi bazaları və səfirlik binası  tez-tez raket zərbələrinə məruz qalır.


Ana səhifəyə qayıt        Baxış: 3 511          Tarix: 4-03-2021, 14:04      

Xəbəri paylaş


Paylaş:   

Prizma