Rusiyanın Krosnadar şəhərinin Krasnoarmeyskaya küçəsində günün günorta çağı əslən Qafqazdan olan bir gənc vəhşicəsinə döyülüb.
 
Ovqat.com xəbər verir ki, qafqazlı gəncin yeganə günahı küçədə ləzginka oynaması olub.
 
Əslən erməni olan şəhər sakinləri məhz bu səbəbdən gənci vəhşicinə döyüb, bununla da kifayətlənməyərək üzünə bibər qazı sıxıblar.
 
Ən dəhşətlisi isə odur ki, Rusiyanın məşhur RT kanalının baş redaktoru, Krasnodar doğumlu, erməni əsilli Margarita Simonyan bu vəhşiliyi müdafiə edib. O, özünün Telegram səhifəsində hadisəyə münasibət bildirərək yazıb: “Krasnodarda yalnız səhnədə lezginka oynayanda bundan xoşlanırlar. “Krasnoarmeyskaya”da rəqs oynanılan zaman isə bunu bəyənmirlər".
 
Qeyd edək ki, Krasnodar ermənilərin sıx məskunlaşdığı şəhərlərdəndir. Ermənilərin ləzginka rəqsinə görə bir qafqazlı gəncini vəhşicəsinə döyməsi Rusiyada erməni-müsəlman ziddiyyətlərini artıra və ciddi insidentlərə səbəb ola bilər. 
 
Üstəlik, Rusiyanın rəsmi telekanallarından RT-nin erməni əsilli baş redaktorunun öz millətindən olan xuliqanları dəstəkləməsi də rahatlıqla həzm edilə bilməz. Yəqin ki, qafqazlılar bunun qisasını alacaqlar.