İsrailin Baş naziri  Benjamin Netanyahu 23 Martda keçirilməsi planlaşdırılan parlament seçkiləri ərəfəsində sakinlərinin əksəriyyəti Türkiyə əsilli yəhudilərdən təşəkkül Bat Yam şəhərində seçki kampaniyasına qatılıb.
 
Ovqat.com xəbər verir ki, Netanyahu seçicilər qarşısında çıxışında Türkiyə ilə danışıqlar apardığını etiraf edib.
 
Seçicilərin qaz layihələri ilə bağlı sualını cavablandıran Baş nazir deyib: "Biz qaza doğru irəliləyirik. Misirlə, Kiprlə (Cənubi Kipr) danışıqlar aparırıq. Yunanıstanla da həmçinin. Bütün ölkələrlə danışırıq. Hətta Türkiyə ilə də”. 
 
Maraqlıdır ki, bu, İsrail yetkililərinin ilk etirafı deyil. İsrail Enerji naziri Yuval Steinitz də 2 gün əvvəl Yunanistan mətbuatına verdiyi bir reportajda, Türkiyə ilə əməkdaşlığa hazır olduqlarını söyləmişdi.
 
Qeyd edək ki, İsrail mətbuatı bir ay öncə yaydığı məlumatda Tel-əvivlə Ankara arasında münasibətlərin düzəldilməsində Azərbaycan liderlərinin vasitəçi olduğunu bildirmişdi.