Ermənistan silahlı qüvvələrinin 2021-ci ilin birinci yarısına hazırlıq planına əsasən, martın 16-dan 20-dək Ermənistan silahlı qüvvələrinin bütün əməliyyat istiqamətlərində Ümumqoşun qoşunlarının bölmələrinin, qoşun növlərinin və xüsusi qoşunlarının iştirakı ilə birgə taktiki-xüsusi təlimlər keçiriləcək.

Virtualaz.org bildirir ki, bu barədə “Novosti Armeniya” məlumat yayıb.

Məlumata görə, təlimlər qoşunların döyüş qabiliyyətinin, operativ əməliyyatların idarə edilməsi imkanlarının və yaranmış vəziyyətdə tez hərəkət etmək bacarığının yoxlanılması, heyətin, əlavə olunan və köməkçi qüvvələrin və vasitələrin qarşılıqlı fəaliyyətinin dəqiqləşdirilməsi; həm döyüş, həm də qeyri-döyüş atışlarının operativ-taktiki epizodlarında bölmələrin və atəşin idarə edilməsi üzrə məşqlərin keçirilməsi məqsədi ilə keçirilir.

Taktiki və taktiki-xüsusi təlimlərdə 7,5 minə yaxın hərbi qulluqçu, 200-ə yaxın raket, reaktiv artilleriya və artilleriya, 150-dən çox tank əleyhinə vasitə, 100-ə yaxın zirehli texnika, 90-dan çox hava hücumundan müdafiə vasitəsi iştirak edəcək.

Qoşunların taktiki hərəkətlərini dəstəkləmək üçün təlimlərə hava hücumu vasitələri (aviasiya) cəlb olunacaq.