Ermənistan parlamentindəki ən böyük blok – “Mənim addımım” martın 24-də keçiriləcək iclasda ölkədə ötən ilin sentyabrında - Dağlıq Qarabağda hərbi əməliyyatlar başladıqdan sonra elan olunmuş hərbi vəziyyətin ləğvinə səs verəcək.

TASS-ın verdiyi xəbərə görə, bunu Ermənistan parlamentinin spikeri Ararat Mirzoyan deyib.

“Düşünürəm ki, ölkədə hərbi vəziyyətin aradan qaldırılması üçün çərşənbə günü səhər səs verə bilərik. Xüsusilə növbədənkənar parlament seçkilərinin keçirilməsi ilə bağlı siyasi razılaşmanın olduğunu və seçkilərin hərbi vəziyyət dövründə baş tuta bilməyəcəyini nəzərə alaraq, biz xoş niyyət göstərə bilərik”, - deyə A. Mirzoyan qeyd edib.