Qaynarinfo xəbər verir ki, bu məlumatı Sputnik Ermənistan-ın sorğusuna cavab olaraq Ermənistan İstintaq Komitəsi yayıb.

Qurbanların qalıqlarının tanınması prosesinin təfərrüatlarını öyrənmək üçün istintaq strukturuna müraciət edilib. Daha əvvəl səhiyyə naziri Anahit Avanesyan bildirib ki, Ermənistanda tanınması mümkün olmayan həmin qalıqlar xaricə göndərilir. Bizə məlumat verilib ki, bu il dekabrın 24-nə olan məlumata görə, 1417 nəfərin meyiti və qalıqları müəyyən edilib. 16 avqust 2021-ci il tarixinə 53 qurbanın qalıqları əlavə DNT analizi üçün Hollandiyaya göndərilib, onların nəticələri alınıb. Daha 47 nəfərin qalıqları noyabrda göndərilib, onlardan 42-də DNT əldə edilib, 37-nin şəxsiyyəti müəyyən edilib, 5-nin müayinəsi heç bir nəticə verməyib.

İstintaq Komitəsi hələlik nə qədər qalığın müəyyən edilmədiyi sualına cavab verməyib. Komitə qeyd edib ki, bu, istintaq sirridir.

Oktyabrın 4-də Böyük Britaniya 44 günlük müharibədə ölənlərin ümumi sayının 3788 nəfər olduğunu bildirmişdi.