Rusiya Liberal Demokrat Partiyasının lideri Vladimir Jirinovski “Rossiya 1” telekanalında yayımlanan “Vladimir Solovyovla axşam” proqramında qalmaqal yaradıb.

 APA TV-nin xəbərinə görə, o, “Vahid Rusiya” partiyasından deputat Konstantin Zatulinlə dalaşıb.

 Diskussiya zamanı Zatulin bildirib ki, 1993-cü ildı Liberal Demokrat Partiyası “hər qadına bir kişi, hər kişiyə bir şüşə araq” vəd edib. Bu, Vladimir Jirinovskini özündən çıxarıb. O, həmkarını ölkə qarşısında yumruqlamaqla hədələyib, “çirkli donuz”, “əclaf” və başqa ifadələrlə təhqir edib.

 Bundan başqa, Jirinovski dəfələrlə Zatulinə yaxınlaşmaq istəyib. Lakin verilişin aparıcısı onun bu cəhdlərinin qarşısı alıb.