Ermənistanın Baş naziri Nikol Paşinyan istefa etmir, müxalifət isə onu vəzifəsindən uzaqlaşdırmaq istədiyinə əmin edir. Azərbaycan və Türkiyə prezidenti də müharibənin digər platformalarda davam edəcəyini söyləyirlər. Çox güman ki, söhbət Ermənistanı sülh müqaviləsi imzalamağa məcbur etməyə çalışacaqlarından gedir.

Ermənistandakı hökumət və 17 partiyadan ibarət hər iki siyasi qütb, Ermənistanın məğlub olduğunu və “Rusiyanın yüksək himayəsi altında” bir müqavilə imzalamalı olduğunu nəzərə alaraq üçtərəfli bəyanatın və gələcək razılaşmanın əsas şərtləri ətrafında mübahisə etmir.

“Lragir” nəşri yazır ki, siyasi məkanda digər variantların olmaması hər kəsi təəccübləndirir.

“Ankara bu illər ərzində (Volinkinin “baltası” və Kopirkinin “yumşaq gücü”) yalnız “alaq otunu” saxlayaraq, Ermənistanın siyasi sahəsindəki sağlam qüvvələri ortadan qaldıran Rusiyanın “ev tapşırığı”dan razıdır. Bu çətin deyildi və nəticədə siyasi sahə boş qaldı, yalnız uyğunlaşanlar və “regional qlobalistlər” qaldılar.

Siyasi “disbakterioz”, müharibədən sonra Ermənistanda 9 noyabrda Türkiyə və Rusiyanın himayəsi altında imzalanan üçtərəfli bəyanata qarşı çıxacaq bir siyasi qüvvənin olmamasına gətirib çıxardı. Vazgen Manukyan “Rusiya alternativinin Türkiyə” olduğunu və məhz bunun “siyasi ictimaiyyətin” əsas nəticəsi olduğunu söyləyir”, - deyə məqalədə qeyd olunub.

Müəllif yazır ki, Ermənistanda məğlubiyyəti dərhal qəbul edən və hətta tələb irəli sürməyə çalışmayan yalnız qərbyönümlülər deyil, millətçilər də yoxa çıxdı.

“Njdeh təlimlərinin davamçıları olaraq Daşnaktsutyun, Respublikaçılar Qarabağın (qondarma qurum – red.) tanınmasını və birləşdirilməsini tələb etmir. Hər kəs Qarabağın itkisini qəbul edir, hamı “Zəngəzur verilməyəcək” deyə özlərinə təsəlli verir.

Sosial şəbəkələrdə bir çox insan alternativin olub-olmadığını soruşur. Məsələn, Andreas Qukasyan Ermənistanda hərbi mövcudluğunu təmin etmək üçün Fransaya müraciət etməyi təklif edir. Ermənistan və Qarabağın birləşdirilməsinin elan edilməsi və ya 1921-ci il Rusiya-Türkiyə razılaşmasının və onun nəticələrinə əsasən çəkilən sərhədlərin ləğv edilməsi təklifi var. İstək olduğu halda bu cür fikirləri çox tapa bilərsiniz.

Ancaq Rusiya və Türkiyə 100 ildir erməniləri Vazgen Manukyanın bəhs etdiyi “alternativ” zəncirində saxlamağı bacara biliblər və Ermənistan bu işdə onlara fəal şəkildə kömək edir. Qaqik Qinosyanın fikrincə, Ermənistan hökuməti bu torpağa sahib olduqlarını hiss edən insanları müharibə oduna atmaq üçün əlindən gələn hər şeyi edib. O, niyə nizami ordunu deyil, könüllülərin göndərildiyini sual etməklə yanaşı, əlavə edir ki, növbəti dəfə milli dövlətin nə olduğunu dərk etməyə başlayan erməni xalqının qaymaqlarını əllərindən aldılar”, - deyə erməni müəllif bildirib.

Alpər Mövludoğlu
Ordu.az