Rusiya nümayəndə heyəti vəziyyəti qiymətləndirmək və aviaəlaqənin bərpası ilə bağlı Türkiyəyə gedir.

Axar.az xəbər verir ki, bu barədə Rusiya baş nazirinin müavini Tatyana Qolikovanın ofisindən məlumat yayılıb.

Məlumata görə, uçuşların və turizmin bərpasına sanitar-epidemioloji vəziyyəti qiymətləndirmək üçün operativ qərargah tərəfindən təsdiq edilmiş meyarlar əsasında qərar veriləcək.

Bildirilib ki, səfər çərçivəsində nümayəndə heyəti turizm obyektlərinə baxış keçirəcək.

Qeyd edək ki, koronavirusa yoluxma hallarının artması ilə əlaqədar Rusiya Türkiyəyə çarter reyslərini dayandırmışdı.