Amerika Birləşmiş Ştatlarının (ABŞ) «USS Benfold (DDG-65)» («Benfold») esminesinin Çinin ərazi sularına (Prasel adaları) qeyri-qanuni soxulması barədə iyulun 12-də Çin Xalq Respublikasının (ÇXR) Müdafiə Nazirliyi bildirib və buna qəti etiraz edib.

«İyulun 12-də Amerikanın «Benfold» raket esminesi ÇXR hökumətindən icazə almadan, qanunsuz olaraq, Sişa (Prasel adalarının Çində adı) arxipelaqının ərazi sulrına soxulub» - Çin ordusunun rəsmi nümayəndəsi Tyan Tszyunli xəbər verib.
Çin mərkəzi televiziyasının xəbər verdiyi kimi, Tszyunli qeyd edib ki, ölkənin hava və hərbi-dəniz qüvvələri Amerika esminesini müşayiət ediblər və onu öz akvatoriyalarından sıxışdırıb çıxarıblar.

«Sişa adaları tarixi Çin ərazisidir, ABŞ SQ-nin davranışı Çinin suverenliyinin və təhlükəsizliyinin pozulmasıdır, Cənubi-Çin dənizində sülhü və sabitliyi ciddi şəkildə pozur, beynəlxalq hüququn prinsiplərinin və beynəlxalq münasibətlərin açar nomalarının ciddi şəkildə pozulmasıdır. Faktlar onu nümayiş etdirir ki, ABŞ Cənubi-Çin dənizində risk mənbəyidir. Biz, bu hərəkətləri qəti şəkildə pisləyirik və bununla bağlı etiraz bildiririk. Biz, ABŞ-ı belə təxribatçı hərəkətləri ləngimədən dayndırmağa səsləyirik» - Çin nümayəndəsi bildirib.

AzPolitika.info