“Dəfələrlə dediyim kimi, biz kommunikasiyaların açılmasında çox maraqlıyıq, çünki bunu, 25 ildən artıqdır, Ermənistanın qarşı-qarşıya olduğu blokadanı aşması üçün fürsət kimi qiymətləndiririk."
 
Ovqat.com xəbər verir ki, bu sözləri Ermənistanın baş naziri Nikol Paşinyan Rusiya baş nazirinin müavini Aleksey Overçukla görüşdə bəyan edib.
 
 Paşinyan vurğulayıb ki, İrəvan xüsusilə müharibədən sonrakı yenidənqurma mərhələsində erməni əsilli rus iş adamlarının fəal olmasında maraqlıdır.
 
 
Paşinyan iqtisadi inkişaf və Avrasiya İqtisadi Əməkdaşlıq İttifaqına inteqrasiya üçün yeni imkanlar təmin edəcək Rusiya ilə dəmir yolu əlaqəsinin əhəmiyyətini xatırladıb. 
 
Qeyd edək ki, bir müddət əvvəl Türkiyə Prezidenti R.T.Ərdoğan Paşinyanın ona bir tərəfdən dialoq üçün ismarış göndərdiyini, digər tərəfdən isə Zəngəzur dəhlizini açmayacağını bəyan etdiyini vurğulamış, Ermənistanın öz öhdəliklərini yerinə yetirmədən Ankaranın qapısını döyməməyi məsləhət görmüşdü.