Axar.az xəbər verir ki, bu fikirlərlə Ermənistan parlamentinin vitse-spikeri İşxan Saqatelyan çıxış edib.

Onun sözlərinə əsasən, yaxın vaxtlarda onun partiyası böyük yürüş təşkil edəcək:

“Minlərlə insan İrəvan küçələrinə çıxacaq. Və əsl siyasi bomba effekti yaradacaq. Bu dalğa qarşısına keçəni məhv edəcək. Bizdə olan dəqiq məlumata əsasən, Ərdoğan ilə Paşinyan arasında gizli razılaşma əldə olunub. Razılaşmanın 3 bənddən ibarət olduğu bildirilir:

1. İrəvan “erməni soyqırımı” fikrindən çəkinəcək

2. Azərbaycanın ərazi bütövlüyünü tanıyacaq

3. Zəngəzur dəhlizi açıqlacaq.

Əgər yaxın günlərdə Ermənistan hökuməti bunu rəsmi olaraq bəyan etsə, Ermənistan cəmiyyyəti Paşinyanı güc yolu ilə devirməyə qalxacaq. Bu alınacaq, yoxsa yox? Bu, çox qəliz sualdır, çünki hazırda Ermənistan cəmiyyəti didərgin haldadır. Bu insanlar biabırçı məğlubiyyətin baş rolunda gedən Paşinyanı yenidən seçkilərdə qalib edən şəxslərdir. Bunlarla uzağa getmək olacaqmı?”