Bu 20 günün statistikasında hərbidən iqtisadiyyata, təyyarədən tanka, topa, gəmiyə qədər müxtəlif istiqamətlərə dair rəqəmlər var. Ancaq müharibənin ən dəhşətli statistikası ölən və yaralanan günahsız insanların, yetim qalan uşaqların, vətənindən didərgin düşənlərin, hələ də bombardman altında ac-susuz qalanların sayıdır və təəssüf ki, bu say artmaqda davam edir...

Bununla yanaşı, ötən 20 gün Ukraynaya qarşı işğalla bağlı bir çox siyasi, hərbi, iqtisadi, humanitar və s. nəticələr çıxarmağa əsas verir. Bu nəticələr olduqca çoxdur, ona görə də 20 günün tamamında simvolik olaraq, onlardan önəmli hesab etdiyimiz 20-sini nəzərinizə çatdıraq:

1. Rusiyanın heç bir sözünə, vədinə, imzasına inanmaq olmaz! Müharibədən öncə Putindən Lavrova, Peskovdan Zaxarovaya qədər bütün Kreml elitası Ukraynaya qarşı təcavüzün olmayacağını qətiyyətlə bəyan edirdilər. Reallıq isə bunun əksini göstərdi - Rusiya təcavüz, işğal və hərbi cinayətlər törətməkdə davam edir.

6. Rusiya iqtisadiyyatı və maliyyə-bank sistemi uzunmüddətli rəqabətə və davamlılığa malik deyil. Rus rublu və qiymətli kağızları dünyanın ən etibarsız maliyyə alətləri, Rusiya iqtisadiyyatı isə yatırım üçün ən təhlükəli iqtisadiyyatdır.

7. Qərb doğrudan da Rusiyaya qarşı indiyə qədər misli görünməmiş sanksiyalar tətbiq edir və onların Rusiyaya güclü təsir etməyəcəyi barədə iddialar özünü doğrultmur. Əksinə, Rusiya iqtisadçıları, iş adamları, hətta ölkə rəhbərliyi səviyyəsində sanksiyaların ölümcül təsiri etiraf olunur.

8. Qərb və Avropa nəinki Rusiya maliyyə bazarları, biznes strukturları və s. gözlənilənlərin əksinə olaraq, hətta Rusiya neftindən və qazından belə imtina edəcək qədər qətiyyətli mövqe tutdu.

9. ABŞ və Qərb kəşfiyyatı Rusiya kəşfiyyatından öndədir, daha güclü və məlumatlıdır. Bunu sübut edən xeyli məqamlar var. Onlardan biri - ABŞ Prezidentinin və digər Qərb liderlərinin Rusiyanın işğal planı və hətta onun tarixi ilə bağlı xəbərdarlıqları informasiya müharibəsindən daha çox gerçəkliyi əks etdirdi. 

10. ABŞ Rusiyadan daha ağıllı və incə oynayır. NATO-nun parçalandığı, hətta Emmanuel Makronun dediyi kimi, “beyin ölümü” keçirdiyi barədə iddialar özünü doğrultmur. Əgər buna bənzər bir prosses gedirdisə də, Rusiyanın Ukraynaya təcavüzü Şimal Alyansına ikinci nəfəs verdi. 

11. Ukraynanın Qərb tərəfindən hərbi dəstək, silah təminatı nə yarıtmaz və zəif, nə də yüksək səviyyəli və qənaətbəxş hesab edilə bilər. Buna baxmayaraq, Ukraynaya dəstək 2014-cü illə müqayisədə xeyli güclüdür və Qərb bu məsələdə prinsipiallığını qoruyur, geri çəkilənə də qətiyyən bənzəmir. 

12. Ukrayna Ordusu və xalqı nəinki Rusiyanın, hətta Qərbin də təsəvvür etmədiyi dərəcədə döyüşkən, motivasiyalı və bacarıqlıdır. Əgər Ukrayna Ordusu eyni templə inkişaf etsəydi və müharibə indi yox, məsələn, 3-5 il sonra baş versəydi, Rusiya Ukrayna ərazisində hətta bugünkü qədər də irəliləyə bilməzdi və daha böyük zərbələrə məruz qalardı. 

13. “Ukraynalılar döyüşmək istəmir”, “ruslarla ukraynalılar eyni xalqdır” kimi iddialar mifdir. Ukraynalılar “qardaşlarından” bir baş üstün olduqlarını sübut edirlər. Eləcə də Ukraynanın qərbi ilə şərqinin ayrı-ayrı xalqlar olduğu, həmrəylik göstərmədiyi, Ukrayna cəmiyyətinin dağınıq və başıpozuq olduğuna dair iddialar cəfəngiyyatdır. 

14. Zelenskini doğrudan da xalq seçib və o, “başıboş təlxək” deyil! 

15. Lukaşenkonun, Əsədin, yaxud Eritreya kimi dövlətin ümidinə qalan Putinin “dahi”, “təcrübəli”, “məğlubedilməz” və s. lider olduğuna dair yaradılan təsəvvür sabun köpüyünə dönür və təəssüf ki, onun hətta nüvə silahı işlədəcək mənəvi-psixoloji durumda olduğuna dair iddialar aktuallığını qoruyur... 

16. Azərbaycandakı rus “5-ci kolonu”nun nümayəndələri həyasızlıq, abırsızlıq, mənəviyyatsızlıq və s. sarıdan solovyovlardan, simonyanlardan, zatulinlərdən geri qalmır və qətiyyən çəkinmədən özlərini büruzə verirlər. Bu “cəsarətləri” göstərir ki, hakimiyyətin hansısa qollarında yüksək səviyyəli dayaqlara malikdirlər... 

17. Özü də işğalın nə demək olduğunu yaxşı bilən Azərbaycan xalqının və cəmiyyətinin mütləq əksəriyyəti Ukraynanın yanındadır, onu haqlı sayır və dəstəkləyir. Rusiyanı haqlı hesab edənlər isə cüzi saydadır, onların da əksəriyyəti bu ölkəyə ya siyasi səbatsızlıq, ya maddi maraqlar, ya da agentura şəbəkəsi ilə bağlıdırlar. 

18. Türkiyənin və Azərbaycanın yürütdüyü xarici siyasət, Ukrayna məsələsində tutduğu mövqe qənaətbəxşdir, reallığa uyğundur və dünya birliyi tərəfindən qəbul olunur. 

19. Qərb müəyyən iqtisadi itkilərə baxmayaraq, Rusiya ilə müqayisədə qalib durumdadır. 

20. Rusiya dövlət, ordu, imperiya olaraq uduzur və Ukraynada istədiyinə nail ola bilməyəcək!

Əlbəttə ki, əslində nəticələr burada sadalananlardan xeyli çoxdur və bu siyahını uzatmaq olar. Ancaq ümid edək ki, bu qanlı savaş tezliklə haqqın qələbəsilə bitəcək və onun təkcə Ukrayna deyil, bütünlükdə sivilizasiya üçün yaratdığı təhlükələr və dağıdıcı nəticələr qısa müddətdə aradan qaldırılacaq.

Cəlal Məmmədov

“AzPolitika.info”