Çin liderinin sözlərinə görə, bu münasibətlər keçmiş prezident Donald Trampın vaxtında pozulub. Bayden Trampın rəqibi və kəskin tənqidçisi olsa da, faktiki sələfinin Çinlə bağlı xarici siyasətini davam etdirir ki, bu Pekinin narazılığına səbəb olub. Bunun səbəbi var. Çinin artan hərbi gücü və Tayvanı ələ keçirmək istəyi Vaşinqtonu ciddi narahat edir. Ona görə də Si Tsinpinin arzusuna baxmayaraq, yaxın illərdə iki ölkə arasında münasibətlərin normallaşacağını gözləmək çətindir.

Üçüncüsü, Si Tispin Ukrayna böhranın həlli üçün çıxış yolu göstərib: “ABŞ və NATO Rusiyanın təhlükəsizlik narahatlıqlarını ortadan qaldırmaq üçün Moskva ilə dialoq qurmalıdır”.

Bununla Çin lideri Ukrayna böhranını Rusiyanın beynəlxalq təhlükəsizlik sistemindən kənarda qalmasıyla izah edib".

Politoloq belə nəticəyə gəlib ki, Çin lideri telefon söhbətində Baydenə dərs keçməyə çalışıb.
"Ancaq Vaşinqton üçün bunun mənası yoxdur. ABŞ və NATO üçün geriyə dönüş mümkün deyil. Rusiya qırmızı çizgiləri aşıb və Ukraynada işğalçı müharibədən sonra Qərb Rusiyanın hazırki hakimiyyəti ilə birgə ortaq təhlükəsizlik sistemi formalaşdırmayacaq",- Elxan Şahinoğlu vurğulayıb.