APA-nın Tehran bürosunun məlumatına görə, bunu İran Xarici İşlər Nazirliyinin sözçüsü Səid Xətibzadə bu gün keçirdiyi həftəlik mətbuat konfransında deyib.

"Amerika çalışır ki, nüvə müzakirələrində olan məsələləri öz daxili işlərinin girovluğunda saxlasın. İran və iranlılar səbirlidir, lakin sonsuza qədər səbr etməyəcəklər".

Xətibzadə bildirib ki, əgər ABŞ Vyana danışıqlarında razılıq əldə etmək istəyirsə, öz siyasi qərarını tez bir zamanda verməlidir.