“Sülh müqaviləsinin şərtlərini Ukrayna diqtə edəcək”.Kəşfiyyat məlumatlarına görə, Rusiya həmin qüvvələri yenidən qruplaşdıraraq Donbas istiqamətinə atmağı planlaşdırır. Artıq əsas hədəfinin Donbas olduğunu Rusiya tərəfi də açıq bəyan edib. Həmçinin, Kremlin Rusiyada aparılan gizli səfərbərlik, eləcə də digər bölgələrdəki qüvvələrin və muzdlu dəstələrin hesabına Donbasdakı silahlı qüvvələrini artıraraq, nəhayət ki, Mariupolu tam nəzarətə götürmək, Donetsk və Luqansk vilayətlərinin inzibati sərhədlərinə qədər irəliləmək, oradakı böyük Ukrayna hərbi qruplaşmasını mühasirəyə almaq planı var. Bu səbəbdən yaxın günlərdə ağır döyüşlərin olacağı gözlənilir.