Bu il yanvarın 1-dən dekabrın 1-dək Rusiya Ukraynada döyüşmək üçün ordu sıralarına 452 mindən çox muzdlu qəbul edilib.

Musavat.com Rusiya mətbuatına istinadən xəbər verir ki, bu barədə Rusiya Təhlükəsizlik Şurasının sədr müavini Dmitri Medvedev Sibir Federal Dairəsinə işgüzar səfəri zamanı silahlı qüvvələrin müqaviləli hərbçilərlə təchiz edilməsinə dair müşavirədə məlumat açıqlayıb:

“Müdafiə Nazirliyinin məlumatına görə, bu il yanvarın 1-dən dekabrın 1-dək bütün ölkə üzrə 452 mindən çox insan xüsusi hərbi əməliyyatın maraqları naminə hərbi xidmətə çağırılıb”.

Onun sözlərinə görə, orduya muzdlu cəlbində Moskva, Sevastopol və Çeçenistan rəhbərliyi xüsusilə fərqlənib.