ABŞ-nin hazırkı Prezidenti Co Baydenin Administrasiyası işə başlayandan bəri Vaşinqton Ukraynaya ümumilikdə 62 milyard dollarlıq hərbi yardım göstərməyi öhdəsinə götürüb.

Oxu.Az-ın TASS-a istinadən xəbərinə görə, bu barədə Pentaqonun mətbuat xidmətinin yaydığı bəyanatda məlumat verilir.

Sənəddə qeyd edildiyi kimi, ABŞ-nin öhdəsinə götürdüyü 62 milyard dollardan çox hərbi yardıma Rusiyanın hərbi əməliyyata başlamasından sonra 61.4 milyard dollar yardım daxildir.

Xatırladaq ki, daha əvvəl ABŞ administrasiyası Kiyevə 725 milyon dollar dəyərində daha bir hərbi yardım paketi təqdim etdiyini açıqlamışdı.