Xəbər lenti

 

Keçən əsrin 70-ci illərində amerikalı kimyaçı alim, 2 dəfə Nobel mükafatı laureatı Laynus Polinq onkoloji xəstəliklərin terapiyasında venadaxili yüksəkdozalı vitamin C-nin tətbiqi zamanı müalicə effektinin xeyli yaxşılaşması haqqında məlumat verib.

Ovqat.com xəbər verir ki, 2009-cu ildə ABŞ Milli Sağlamlıq İnstitutunun əməkdaşı Mark Levin və həmkarları bu məlumatı elmi-praktiki nöqteyi-nəzərdən tam sübuta yetiriblər. Vitamin C-nin şiş hüceyrəsinə daxil olması çox miqdarda peroksidin yaranmasına səbəb olaraq həmin hüceyrəni məhv edir. Bundan başqa, onkoloji pasiyentlərdə oksidativ stress şişlə əlaqəli cərrahi müdaxilə, kimya və radioterapiya nəticəsində daha da ağırlaşır. Hazırda oksidativ stresi aradan qaldırmaq üçün istifadə edilən ən zəngin elmi sübutu olan antioksidant-yüksəkdozalı vit C-dir (L-askorbat).

Yüksəkdozalı vit C-nin (L-askorbat) infuzion terapiyası onkoloji xəstələrdə fiziki, emosional, koqnitiv funksiyaları yaxşılaşdırır, həmçinin, yorğunluq, ürəkbulanma, qusma, ağrılar xeyli azalır, iştahanın yaxşılaşması qeyd olunur. Beləliklə də, pasiyentlərin həyat keyfiyyəti yaxşılaşır.

Yüksəkdozalı vitamin C ilə pilləli terapiya

7,5 q vitamin C - həftədə 1 dəfə v/d, bir saat ərzində

I həftə - 7,5 q Vitamin C + 100 ml NaCl

II həftə - 15,0 q Vitamin C + 250 ml NaCl

III həftə - 22,5 q Vitamin C + 500 ml NaCl

IV həftə - 30,0 q Vitamin C + 500 ml NaCl

V həftə - 37,5 q Vitamin C + 500 ml NaCl

VI həftə - 45,0 q Vitamin C + 500 ml NaCl

VII və növbəti həftələr- 52,5 q Vitamin C + 500 ml NaCl

52,2 q Vitamin C saxlayıcı dozadır. Müalicə 3 ay davam edir

Yüksəkdozalı vitamin C ilə şok terapiya

Gün ərzində hər 6 saatdan bir 22,5 q. vit C (cəmi 100 q/gün)

Vitamin C infuziyası şüa terapiyasından əvvəl və ya sonra təyin olunur, hər dəfə 24 saatdan az olmayan fasilə edilir.

Kimyaterapiyadan əvvəl və sonra 24 saatdan az olmayan fasilə edilir./Axar.az/




Ana səhifəyə qayıt        Baxış: 778          Tarix: 7-07-2017, 19:33      

Xəbəri paylaş


Paylaş:   

Prizma