ABŞ prezidenti Donald Tramp “İrma”, “Harvi” və “Mariya” qasırğaları, habelə Kaliforniya və digər ştatlarda yanğınlar nəticəsində ziyan çəkmiş insanlara yardım məqsədi ilə 36,5 mlrd. dolların ayrılmasını nəzərdə tutan qanunu  imzalayıb.

APA-nın “RİA Novosti”yə istinadən verdiyi xəbərə görə, vəsaitlərin 18,7 mlrd. dolları Fövqəladə Hallar üzrə Federal Agentliyinə (FEMA), 16 mlrd. dolları daşqınlar üzrə sığorta ödənişlərinin maliyyələşdirilməsinə, 577 mln. dolları yanğınlarla mübarizənin gücləndirilməsinə və 1,27 mlrd. dolları “Mariya” qasırğasından ziyan çəkmiş Puerto Rikoya ərzaq yardımına yönəldiləcək.