Xəbər lenti

 Əslən azərbaycanlı olan Etibar Xəlilov ABŞ-ın Los-Anceles dairəsində (Kaliforniya ştatı) Santa Klarita şəhərində şerifin müavini vəzifəsinə təyin edilib.
Ovqat.com Oxu.Az-a istinadən xəbər verir ki, bu barədə Santa-Klarita şerifinin rəsmi Facebook səhifəsində məlumat verilir.
Etibar Xəlilova artıq sertifikat da təqdim olunub.
Bildirilir ki, Etibar Xəlilov 2002-ci ildə Rusiyadan ABŞ-a köçüb və burada Hərbi Hava Qüvvələrinin Akademiyasında pilot işləyib. Sonradan o, altı il müddətində polis zabiti kimi çalışıb.   
Xəlilov ABŞ vətəndaşı olmaq üçün ona 10 il vaxt lazım olduğunu bildirib. 
Etibar Xəlilovun sözlərinə görə, o həmişə hüquq-mühafizə orqanlarında işləmək arzusunda olub:
"Biz dörd qardaşıq. Üçümüz hüquq-mühafizə orqanlarında çalışırıq”. 
Santa-Klarita polis idarəsinin məlumatında qeyd olunur ki, onlar Etibar kimi əməkdaşla fəxr edirlər. 



Ana səhifəyə qayıt        Baxış: 537          Tarix: 21-11-2017, 00:03      

Xəbəri paylaş


Paylaş:   

Prizma