Rusiya Prezidenti Vladimir Putin SSRİ Dövlət Təhlükəsizlik Komitəsinin 80-ci illərdə Almaniya Demokratik Respublikasının Dövlət Təhlükəsizlik Nazirliyindəki eks-nümayəndəsi olmuş Lazar Matveyevin qonağı olub.

Ovqat.com Axar.az-a istinadən xəbər verir ki, Matveyevin evinə gələn Putin özünün keçmiş rəisini 90 yaşı münasibəti ilə təbrik edib.

O, Matveyevin evinə ADR-dəki keçmiş kolleqaları olan “Transneft” şirkətinin rəhbəri Nikolay Tokarev və “Rostex” korporasiyasının rəhbəri Sergey Çemezovla birgə gəlib. Putin eks-rəisinin şərəfinə badə qaldıraraq, ona prezident saatı bağışlayıb.

Qeyd edək ki, Putin 1985-1990-cı illərdə ADR-də DTK nümayəndəsi kimi çalışıb.