Xəbər lenti

Vaşinqton Rusiya və Almaniya arasında çəkiləcək sualtı qaz kəmərinə görə sanksiyalar qoymaq hədələrini gerçəkləşdirə bilər.

Strateq.az  Azadlıq Radiosuna istinadən bildirir ki, ABŞ-ın bu barədə enerji naziri Rik Perrİ deyib.

Sentyabrın 13-də Moskvada Rusiyanın enerji naziri Aleksandr Novakla yanaşı danışan Perri Rusiyanı “məsuliyyətli təchizatçı” olmağa və öz ehtiyatlarından “nüfuz və pozuculuq” üçün sui-istifadəni dayandırmağa çağırıb. Şimal Axını 2 layihəsi hazırda Avropa İttifaqına nəql olunan Rusiya qazının (ildə 110 milyard kubmetr) həcmini iki dəfə artırmalıdır. Bu Avropa İttifaqının bütün qaz istehlakının 25 faizini təşkil edir. Rusiya qazını Baltik dənizinin dibi ilə Almaniyaya nəql edəcək 1230 kilometrlik kəmər ənənəvi tranzit olan Ukrayna ərazisindən yan keçməlidir.

Rusiyalı həmkarı ilə keçirdiyi birgə mətbuat konfransında “ABŞ Şimal Axını 2 layihəsinə qarşı cəzalandırıcı tədbirlər elan edə bilərmi”sualına Perry “bəli” cavabını verib: “Nazir Novak və mən hər ikimiz razıyıq ki, sanskiyalar – getmək istədiyimiz istiqamət deyil”.

Perri sanksiyaların “Şimal Axını 2” layihəsinin hansı mərhələsində gercəlkləşə biləcəyi barədə suala cavabdan yayınıb. Birləşmiş Ştatlar, Polşa və Baltik ölkələri, habelə bir neçə Avropa İttifaqı üzvü bu layihə ilə bağlı narahatlıqlarını ifadə ediblər. Bir çox siyasətçilər bu qənaətdədirlər ki, layihə Qərbi Avropanın Rusiya qazından asılılığını artıracaq.

ABŞ prezidenti Donald Trump ona “Şimal Axını 2” layihəsində iştirak edən şirkətlərə sanksiya qoymaq səlahiyyəti verən fərman imzalayıb. Bu layihəyə “Qazprom”la yanaşı bir sıra Avropa investorları sərmayə yatırıblar. Kreml israr edir ki, “Şimal Axını 2” layihəsinə qarşı mümkün sanksiyalar iqtisadi motivlidir və ABŞ maye qazının maraqlarına xidmət edir. Perri Moskva görüşü zamanı deyib ki, bu kəmər “dar və dayaz dəniz məkanında” təhlükəli vəziyyət yarada bilər.

O əlavə edib ki, ABŞ “avropalıların yeganə təchizatçıdan asılı olmamaq istəyini və rəqabətliyin artmasını dəstəkləyir”. Novak bildirib ki, Moskva “enerjinin təzyiq vasitəsinə çevrilməsinin yolverilməzliyi ideyasına” tərəfdardır, lakin istehlakçılar “təchizatçıları seçmək imkanına malik olmalıdırlar”.

 




Ana səhifəyə qayıt        Baxış: 180          Tarix: 14-09-2018, 16:41      


Paylaş: