Neftin qiyməti 40 dollara düşsə belə Rusiya iqtisadiyyatı ciddi təzyiqlərlə üzləşməyəcək və öz investisiya qabiliyyətini qoruyub saxlayacaq.

Teleqraf.com xəbər verir ki, bu sözləri Rusiyanın iqtisadi inkişaf naziri Maksim Oreşkin deyib:

"Dünya iqtisadiyyatı ciddi problemlərə sürüklənsə, bundan Rusiya da ziyan görəcək, ancaq əvvəllər biz daha güclü təsir altında olurduq".

Nazirin sözlərinə görə, neftin 60 dollara satışı yeni layihələrə investisiya qoyuluşunu şərtləndirən normal səviyyədir. O bildirib ki, 40 dollar qiymət yeni layihələrin işini çətinləşdirəcək: "Ancaq bu halda da biz daxili iqtisadiyyata və maliyyə bazarına ciddi təzyiq göstərməyəcəyik"