Konkret.az Belarus mediasına istinadən xəbər verir ki, Rəsmi Minsk Moskva ilə ortaq sərhədlərin qorunması haqqında sazişdə dəyişiklik etməyi planlaşdırır. Bu barədə Belarus Təhlükəsizlik Şurasının dövlət katibi Stanislav Zas deyib.

O, bunun Belarus Prezidenti Aleksandr Lukaşenkonun qərarı olduğunu bildirib:

“Bu sazişin bir sıra müddəaları əlbəttə ki, aktuallığını itirib. Çox vaxt keçib, vəziyyət dəyişib. Sazişin bir sıra müddəaları real fayda gətirir və hər iki tərəfdən ciddi şəkildə həyata keçirilir. Ancaq ümumilikdə razılaşma yenilənməli və gücləndirilməsini tələb edir”.

Onun sözlərinə görə, ümumi sərhədlərdəki vəziyyət birgə razılaşdırılmış tədbirlər tələb edir. Yaxın günlərdə müqaviləyə dəyişikliklərlə bağlı danışıqlar aparılacaq.

Qeyd edək ki, “Sputnik Belarus”un verdiyi məlumata görə, bu gün Lukaşenko Stanislav Zas və Respublika Dövlət Sərhəd Komitəsinin sədri Anatoli Lappo ilə görüşərək, Belarus və Rusiyanın sərhəd məsələlərində qarşılıqlı münasibətləri müzakirə ediblər. Xüsusilə dövlət başçısı Belarus-Rusiya sərhədi boyunca üçüncü ölkə vətəndaşlarının Rusiya vizası ilə keçməsini absurd problemlər adlandırıb.

1995-ci ildə Minsk və Moskva Birliyin dövlətinin xarici sərhədlərini qorumaq üçün beş ildə bir dəfə avtomatik yenilənmə ilə birgə səylər haqqında saziş imzalayıblar. Növbəti sənəd noyabrda başa çatır.

Belarusun müdafiə naziri Andrey Ravkov oktyabr ayının sonunda ABŞ-ın zirehli texnikalarının Litvaya Belarus sərhədi yaxınlığında yerləşdirilməsi və NATO-nun yazda keçiriləcək “Defender Europe” təlimləri ilə əlaqədar tədbirlər görəcəyini söyləyib: Xüsusən, sərhəd qorunması gücləndiriləcək.