Liviya Milli Ordusunun rəhbəri Xəlifə Haftar Türkiyə və Rusiyanın atəşkəs elan edilməsi ilə bağlı təklifini rədd edib.

Milli ordu Liviya üzrə atəşkəs çağırışını məmnuniyyətlə qarşıladığını bildirsə də, paytaxt Tripoli uğrunda döyüşləri dayandırmayacağını açıqlayıb.

Bildirilib ki, Haftarın qüvvələri Tripoli də daxil olmaqla, Sirt və Misratada nüfuz dairəsini genişləndirmək üçün əməliyyatları davam etdirəcəklər.

Liviya Milli Razılaşma Hökumətinin rəhbəri Fayez Sərrac isə Türkiyə və Rusiyanın atəşkəs təklifini qəbul etdiyini açıqlamışdı. \\Axar