ABŞ şirkətləri ilə əməkdaşlıq istənilən dövlətə müsbət nəticə verə bilər.

“İnterfaks” xəbər verir ki, bunu ABŞ-ın dövlət katibi Mayk Pompeo Qazaxıstana səfəri zamanı bəyan edib.

Pompeonun sözlərinə görə, Qazaxıstan ticari tərəfdarlarını seçməkdə azaddır. Lakin ABŞ-la əməkdaşlıq bir sıra üstünlüklər vəd edir. Belə ki, ABŞ şirkətləri ilə əməkdaşlıq iş yerləri, müqavilələrin şəffaflığını, iş keyfiyyətlərinin və vəzifələrinin bərabərliyini vəd edir.

O, nümunə kimi ABŞ şirkəti olan “Tyson Foods”la əməkdaşlığı göstərib. Bu şirkətlə tərəfdaş olmaq Qazaxıstanın kənd təsərrüfatını inkişaf etdirə bilər.

Oxu.az